Fjögurra daga meðferð við þráhyggju og áráttu

Home / Hópmeðferð / Fjögurra daga meðferð við þráhyggju og áráttu

Um er að ræða nýtt meðferðarúrræði við þráhyggju-og áráttu (OCD) sem dr. Gerd Kvale og dr. Bjarne Hansen sálfræðingar frá Helse Bergen –Háskóla sjúkrahúsinu í Haukeland hafa þróað. Hátt yfir 600 manns hafa fengið þessa meðferð og er árangur mjög góður eða um 75% sem fá lækningu. Hún hefur verið innleidd í heilbrigðiskerfið í Noregi og stendur til að innleiða hana einnig í Svíþjóð og Danmörku.

Stofnað hefur verið sérstakt OCD-teymi á Kvíðameðferðarstöðinni. Teymið hefur hlotið þjálfun frá dr. Gerd Kvale og dr. Bjarne Hansen við að veita þessa meðferð. Skemmtilegt er að segja frá því að þetta er fyrsti hópur sálfræðinga utan Noregs sem hefur fengið þessa þjálfun. Um 20 manns hafa tekið þátt í þessari meðferð og árangursmælingar sýna fram á líkar niðurstöður og berast frá Noregi.

 

HVERNIG FER ÉG AÐ ÞVÍ AÐ TAKA ÞÁTT?

Fyrsta skrefið er að senda inn beiðni og óska sérstaklega eftir 4 daga meðferð við þráhyggju-og árátturöskun (OCD). Þú getur gert það með því að smella HÉR. Mundu að skrifa inn í boxið skilaboð að þú óskir sérstaklega eftir þessu úrræði. Þú getur einnig skráð þig með því að hringja á símatíma sem er kl. 9-12 alla virka daga. Athugið að ásókn í þessa meðferð er töluverð og því getur liðið einhver tími þangað til haft er samband. 

 

FERLIÐ:

Skimun: Til þess að ganga úr skugga um að þessi meðferð henti viðkomandi þarf fyrst að hitta sálfræðing í einstaklingsviðtali. Viðtalið sjálft tekur um 50-60 mínútur og þarf viðkomandi að mæta um 30 mínútum fyrir viðtalstíma til að svara spurningarlistum. Í þessu viðtali er leitast við að ganga úr skugga um að um þráhyggju-og árátturöskun (OCD) sé að ræða. Kostnaður fyrir einstaklingsviðtal er 16.000kr og er ekki innifalinn kostnaði meðferðar.

Greiningar- og undirbúningsviðtal: Ef skimun leiðir í ljós að viðkomandi er með þráhyggju-og árátturöskun tekur við 2 klst ítarlegt greiningarviðtal. Markmið tímans er að greina þráhyggju og áráttu einkenni vel og vandlega sem og að meta alvarleika einkenna. Einnig er athugað hvort annar geðrænn vandi sé til staðar og alvarleiki metinn. Ef tiltekinn sálfræðingur telur að 4 daga meðferðin sé líklegur kostur hefst meðferðarundirbúningur. Kostnaður við greiningar-og undibrúningsviðtal er ekki innifalinn í meðferðarkostnaði en nemur tveimur viðtalstímum.

Niðurstöðurfundur: Niðurstaða skimunar og greiningar er kynnt fyrir OCD-teyminu á fundi og í kjölfarið er tekin ákvörðun um hvort meðferðin henti viðkomandi. Ef 4 daga meðferðarúrræðið hentar ekki mun tiltekinn sálfræðingur útlista fyrir viðkomandi hvaða úrræði henta vandanum betur, hvort sem það er að finna á Kvíðameðferðarstöðinni eða í höndum annars fagaðila.

 

MEÐFERÐIN:

Meðferðin er einstaklingsmeðferð  en unnin í hópumhverfi. Þetta þýðir að hluti meðferðar líkt og fræðsla fer fram í hóp en berskjöldun (exposure) sem er hluti meðferðar fer fram á einstaklingsgrundvelli. Unnið er samfellt í  yfir fjóra daga. Hver og einn þátttakandi verður að sjá til þess að hreinsa allt úr dagskrá sinni þessa fjóra daga. Einn allra mikilvægasti hluti meðferðar er að vera tilbúin til að leggja á sig mikið erfiði. Öðruvísi næst ekki árangur.

 

Hér má sjá myndbönd um meðferðina.

KOSTNAÐUR MEÐFERÐAR:

Kostnaður við þessa fjögurra daga meðferð er 240.000 kr. Hægt er að semja um dreifingu á greiðslu.

ATH: Gott er að hafa í huga að sjúkrasjóðir stéttarfélög hafa komið að niðurgreiðslu sálfræðiþjónustu