UPPLÝSINGAR
Hafa má samband við okkur með því að hringja í síma 534-0110 milli 09.00 og 15:30 þegar ritari er við eða senda tölvupóst á kms@kms.is. Panta má viðtalstíma eða óska eftir matsviðtali fyrir námskeið með því að fylla út upplýsingarnar hér til hliðar og senda beiðnina inn. Viðtalstíminn kostar 21.000-22.000 kr. og stendur yfir í um 50 mínútur.
Í skilaboðadálki býðst þér að gefa stutta lýsingu á vandanum sem þú vilt fá aðstoð með. Sálfræðingar Kvíðameðferðarstöðvarinnar hafa mismunandi sérhæfingu og getur stutt lýsing á vandanum aukið líkur á að þú fáir sálfræðing sem hentar þér. Gott er að taka fram ef þú telur þig glíma við þráhyggju og áráttu, vilt vinna úr áföllum, fá aðstoð vegna félagskvíða, kvíðakasta o.s.frv. Ef vandinn er á fleiri en einu sviði er ráðlegt að taka fram hvað mestu máli skiptir að vinna með nú.
Mikilvægt er að taka fram í skilaboðadálki ef þú óskar eftir fjarviðtölum, ADHD-greiningu eða tilteknu námskeiði.
Reynt er að svara skilaboðum og tölvupósti eins fljótt og auðið er, en eins og stendur er mikil ásókn í tíma. Allt að 4 til 6 vikur frá því að haft er samband þar til fólk getur hafið meðferð við stöðina. Því hvetjum við þig til að nýta tímana vel sem þér bjóðast. Afbóka þarf viðtöl fyrir kl 13 daginn fyrir bókaðan viðtalstíma, að öðrum kosti greiðir fólk hálft viðtalsgjald.
Kvíðameðferðarstöðin er til húsa á Suðurlandsbraut 4, 5. hæð, 108 Reykjavík.
