Hugræn atferlismeðferð (HAM) er ein tegund sálfræðimeðferðar. Hugræn atferlismeðferð hefur í gegnum áratugina mikið verið rannsökuð við ýmsum sálrænum vanda. Niðurstöður sýna að HAM gefst sérlega vel við að ná tökum á kvíðaröskunum og þunglyndi. Á Kvíðameðferðarstöðinni beitum við HAM sem helst meðferðarúrræði en stundum eiga aðrar sálfræðimeðferðir betur við, allt er þetta háð vanda viðkomandi.
Í stuttu máli gengur hugræn atferlismeðferð út á að skoða samspil hugmynda eða hugsana, hegðunar, líkamlegra einkenna og tilfinninga hjá hverjum og einum, en lykillinn að því að ná tökum á kvíðaröskunum liggur einmitt í þessu samspili. Í framhaldi af því er fólki svo kennt að hafa áhrif á þetta samspil með því að gera margs konar tilraunir og æfingar með það fyrir augum að bæta líðan og auka lífsgæði.
- Einstaklingsviðtal/greiningarviðal
Ef þú hefur áhuga á að koma í greiningarviðtal til eins af sálfræðingum okkar til að kanna hvort hugræn atferlismeðferð henti þínum vanda smelltu þá hér
- Námskeið
Ef þú hefur áhuga á að kynna þér grunndvallaratriði HAM þá bjóðum við upp á námskeið ætlað er þeim sem finna fyrir vægum kvíða og eða depurð. Námskeiðið heitir Hugræn atferlismeðferð – leið að bættri líðan. Frekari upplýsingar um námskeiðið finnur þú hér.
Í meðfylgjandi myndbandi útskýrir prófessor David M. Clark frá Kings College í London af meiri dýpt hvað hugræn atferlismeðferð er. Clark er einhver helsti sérfræðingur í heimi á sviði HAM.